Украінскія войскі працягваюць адступаць пад Луганскам (карта)
Сёння стала вядома, што ўкраінскія вайскоўцы атрымалі загад сыйсці з аэрапорта "Луганск", які яны працяглы час утрымлівалі пад сваім кантролем.
Таксама яны пакінулі пасёлак Георгіеўка пад Луганскам, інфармуе УНІАН. Адзначаецца, што адна з прычын адыходу — вельмі прафесійны абстрэл пазіцый украінскага войска расійскімі артылерыстамі. Ці ўдасца ўтрымаць украінцам гарады Лутугіна і Шчасце, невядома. Каля іх канцэнтруюцца расійскія войскі.
Яшчэ адна "гарачая кропка" — раён Марыупаля. Па-ранейшаму чакаецца ўдар расійскіх войскаў з боку Новаазоўска. Праўда, украінскія сілавікі мяркуюць, што прарыў расійскіх танкаў варта чакаць не каля Марыупаля, а на поўначы — у раёне Валнавахі.
Фота — АР, УНІАН
