Вы тут

У Слоніме выйшаў на волю арганізатар "Маршу недармаедаў" Віктар Марчык

Слонім, 19 сакавіка. Віктар Марчык заклікае людзей ісці да выканкама. Фота: svaboda.org

У Слоніме выйшаў на волю арганізатар "Маршу недармаедаў" Віктар Марчык. Яго жорстка затрымалі ў нядзелю пасля акцыі, ноч актывіст правёў у пастарунку. Марчыка вінавацяць у арганізацыі несанкцыянаванага мерапрыемства. У панядзелак ён хадайнічаў у судзе, каб працэс перанеслі, паколькі мае намер знайсці адваката. У выніку суд перанеслі на пятніцу, інфармуе Радыё Свабода.

Як паведамляла Еўрарадыё, а 15-й гадзіне ў нядзелю на плошчы Леніна ў Слоніме сабраліся каля 300 чалавек. Яны прайшлі па ходніках да райвыканкама. Людзям прапанавалі паслаць у выканкам на размову са старшынём прадстаўнікоў, але яны адмовіліся, заявілі, што няхай выйдзе сам кіраўнік. У выніку старшыня райвыканкама Алег Таргонскі выйшаў да ўдзельнікаў акцыі і працяглы час адказваў на пытанні. Таксама ён абяцаў, што нікога з прысутных не пакараюць за ўдзел у шэсці і мітынгу. Аднак пазней затрыманне адбылося — Марчык апынуўся за кратамі.

"У пастарунку да мяне ставіліся міліцыянты нармальна, хоць з пратаколам я не пагадзіўся, — распавёў Радыё Свабода Віктар Марчык. — Мяне падставілі ўлады, і даверу да іх больш няма. Мы дамаўляліся з намесніцай старшыні райвыканкама Кацярынай Руткоўскай, што мітынгаваць на плошчы [Леніна] не будзем, што не будзе ніякай сімволікі. Я сваё слова стрымаў, ціха і спакойна прывёў людзей да выканкама. А тое, што ім не спадабалася, якія людзі задавалі пытанні, то гэтага я нічога ім не абяцаў. Карацей, даверу больш нашым уладам няма...".

Новости других медиа
Загрузка...
Загрузка...

Галоўнае

Мікола Сівіцкі прыцягнуў вялікую ўвагу да сваёй персоны.
На здымку бачны кот Леапольд разам са сваім гаспадаром Змітром Дашкевічам і сябрам сям'і Эдуардам Пальчысам. Фота: Facebook

Выбар рэдакцыі