У Салігорску прайшлі ператрусы ў маладафронтаўцаў
У адным выпадку шукалі "парнаграфію".
Яна, нібыта, была распаўсюджаная з акаунта маладафронтаўца Андруся Тычыны ў сацыяльнай сетцы "Укантакце". Адзначым, што некалькі дзён таму яго выклікалі ў міліцыю. Меркавалася, што гэта звязана з перафарбаваннем 15-метровага знаку на ўездзе ў Салігорск у бел-чырвона-белыя колеры.
Як паведамляе "Наша ніва", 16 верасня таксама адбыўся ператрус у кватэры Уладзіміра Шылы, бацькі маладафронтаўцаў Івана і Іллі. Міліцыянеры забралі з сабой сістэмны блок камп'ютара.
Фота — Fotolia