У Пінску дзяўчынка ратавала сяброўку і патанула
Здарэнне адбылося ўдзень 21 ліпеня ў адтоку ракі Піна.
Гэты вадаём лічыцца небяспечным праз вялікую глыбіню. 10-гадовую школьніцу разам з сяброўкай туды прывёз на лодцы дзядуля. Падчас купання адна з дзяўчынак пачала тануць. Другая кінулася ёй на дапамогу, выратавала яе, але сама з вады выбрацца не здолела.
Як інфармуе БЕЛТА, дзядуля дастаў унучку з вадаёма яшчэ да прыезду выратавальнікаў. Аднак было ўжо позна — дзяўчынка вельмі доўга была пад вадой і памерла.
Фота — bymedia.net
