У Мінску працуе місія МВФ
Дэлегаты Міжнароднага валютнага фонда вывучаюць магчымасць падрыхтоўкі новай праграмы для Беларусі.
Гэтае пытанне 22 кастрычніка абмяркоўвалі на сустрэчы кіраўнік місіі МВФ па Беларусі Дэвід Хофман і віцэ-прэм'ер Пётр Пракаповіч. Бакі разгледзелі эканамічныя пытанні і перспектывы далейшага супрацоўніцтва, паведамляе БелаПАН.
"І ў Нью-Ёрку, і ў Вашынгтоне дасягнута дамоўленасць, што калі па ключавых пазіцыях, прынцыповых пытаннях, магчыма, і будучай праграме ўрад і фонд дамовяцца, тады ў найбліжэйшай будучыні, вельмі хутка, за гэтай місіяй ўжо прыязджае місія для абмеркавання праграмы. Такім чынам, гэта, яшчэ раз, вельмі важны крок зверкі гадзін, яшчэ раз, зверкі нашага бачання гэтай праграмы структурных рэформаў і нашых падыходаў, урада, рэкамендацый, якія напрацаваў Міжнародны валютны фонд ", - сказаў журналістам Аляксандр Забароўскі, першы намеснік кіраўніка апарата Саўміна - кіраўнік сакратарыята прэм'ер-міністра Беларусі.
З 2009 па 2010 год Беларусь прыцягнула ад МВФ пяць траншаў крэдыту ў рамках праграмы стэнд-бай на 3,46 мільярда долараў. Асноўны пік выплат прыпадае на 2013-2014 гады, калі Беларусі давядзецца вярнуць большую частку пазыкі. У мінулым годзе выплаты Беларусі па крэдыце МВФ перавысілі 1,6 мільярда долараў.
