У Мінску кіроўца на "Маздзе" пратараніў службовыя аўтамабілі міліцыі
Мужчыну затрымалі, праводзіцца расследаванне.
Аўтааварыя з пашкоджаннем пяці аўтамабіляў адбылася 10 лістапада на вуліцы Кальварыйскай у Мінску. 28-гадовы кіроўца "Мазды", як мяркуецца, не справіўся з кіраваннем, у выніку пратараніўшы аўтамабіль "БМВ", які быў прыпаркаваны. Спрабуючы з'ехаць з месца здарэння, мужчына пашкодзіў службовую машыну "ВАЗ", якая далей сутыкнулася з аўтамабілем "Газель". Апошні ў сваю чаргу пратараніў "Джылі".
БЕЛТА адзначае, што гэтыя падзеі адбыліся каля будынка Фрунзенскага РУУС. Дзве з пашкоджаных машын былі службовымі.
Кіроўцу затрымалі міліцыянеры на месцы здарэння. Высвятляюцца абставіны справы.
Фота — onliner.by