У Мінск прыедзе намеснік міністра замежных спраў Польшчы
Візіт адбудзецца ўжо на гэтым тыдні.
Намеснік міністра замежных спраў Польшчы Томаш Арлоўскі цяпер адказвае за ўсходнюю палітыку польскага замежнапалітычнага ведамства. Аб яго візіце ў Беларусь, запланаваным на 24 кастрычніка, агенцтву БелаПАН расказаў старшыня Аб'яднанай грамадзянскай партыі Анатоль Лябедзька. Падчас візіта ў Мінск Томаш Арлоўскі сустрэнецца і з лідарамі апазіцыі.
"Наколькі я разумею, гэта будзе азнаямленчы візіт на новай пасадзе. Плануюцца сустрэчы з прадстаўнікамі афіцыйных уладаў, палітычнай апазіцыі, грамадзянскай супольнасці", - сказаў Лябедзька.
Томаш Арлоўскі быў прызначаны намеснікам міністра замежных спраў Польшчы 1 верасня, да гэтага быў амбасадарам Польшчы ў Францыі і Манака.