У Кіеве пагражаюць сведцы забойства Нямцова, Дурыцкую бяруць пад ахову
Пагрозы яна атрымала, калі знаходзілася ў сваіх бацькоў.
Украінская мадэль Ганна Дурыцкая, якая стала сведкай забойства ў Маскве расійскага апазіцыйнага палітыка Барыса Нямцова, звярнулася ў міліцыю па дапамогу. Учора яна напісала заяву аб пагрозе яе жыццю з боку невядомых асобаў. Здарылася гэта, калі яна знаходзілася ў сваіх бацькоў у Кіеве.
Як паведамляе Еспресо.TV, генеральны пракурор Віктар Шокін ужо даў распараджэнне ў справе абароны жыцця і здароўя Дурыцкай. Распачатая крымінальная справа.
Нагадаем, Дурыцкая сябравала з Барысам Нямцовым, яна прыляцела ў Маскву 27 лютага і была побач з палітыкам, калі яго расстраляў невядомы кілер. Пасля гэтага яе працяглы час дапытвалі, праводзілі следчыя дзеянні і некалькі дзён не дазвалялі вярнуцца на радзіму. З трэцяга сакавіка Ганна Дурыцкая знаходзіцца ва ўкраінскай сталіцы.
Загадкавыя супадзенні ў забойстве Барыса Нямцова
Фота: АР
