Вы тут

У Іерусаліме грузавік урэзаўся ў мінакоў — 4 чалавекі загінулі

Фота: Твітэр

У Іерусаліме грузавік з’ехаў з дарогі і ўрэзаўся ў мінакоў. Чатыры чалавекі загінулі і яшчэ 15 атрымалі пашкоджанні. Адзін з пацярпелых знаходзіцца ў цяжкім стане.

Кіроўца грузавіка застрэлены. Паліцыя лічыць гэтае здарэнне тэрактам, паведамляе meduza.io са спасылкай на ізраільскія інфармагенцтвы.

Машына збіла групу маладых людзей, якія выйшлі з аўтобуса. Перад сутыкненнем кіроўца дадаў хуткасці. На грузавіку былі ізраільскія нумары.

Тэракты з падобным сцэнарыем раней здараліся ў Еўропе. 19 снежня ў Берліне грузавік урэзаўся ў натоўп людзей на калядным кірмашы. Загінулі 12 чалавек, яшчэ 48 атрымалі траўмы. Адказнасць за тэракт узяла на сябе “Ісламская дзяржава”. 14 ліпеня ў французскай Ніцы тэрарыст урэзаўся ў натоўп на набярэжнай падчас святкавання Дня ўзяцця Бастыліі. Загінулі 86 чалавек, пацярпелі болей за 300. Адказнасць за напад таксама ўзяла на сябе ІД.

Новости других медиа
Загрузка...
Загрузка...

Галоўнае

Выбар рэдакцыі