У Харкаве пачалі аднаўляць помнік Леніну
Мясцовыя ўлады пачалі аднаўляць помнік Леніну на плошчы Свабоды ў цэнтры Харкава. Помнік быў знесены актывістамі 28 верасня.
Харкаўская жыхарка Марына Качагура выклала зранку 2 кастрычніка ў сваім Twitter фатаграфію, адзначае lb.ua. На ёй відаць, што пастамент, на якім стаяў помнік, абнесены будаўнічымі рыштаваннямі.
Нагадаем, 28 верасня ў Харкаве некалькі тысяч праўкраінскіх актывістаў правялі мітынг, а ўвечары павалілі помнік Леніну на цэнтральнай плошчы Свабоды. Міліцыя пачала крымінальную справу, пасля чаго кіраўнік вобласці Ігар Балута выдаў распараджэнне пра дэмантаж помніка.
У той жа час мэр Харкава Генадзь Кернес паабяцаў аднавіць помнік Леніну.
Фота — twitter.com/MKochegura
