У Гомелі прайшоў надзвычай моцны снег (фота)
У Гомелі за ноч выпала небывалая колькасць снегу, раніцай снегапад працягваўся.
Як паведамляе БЕЛТА, сёння паўднёвы ўсход краіны апынуўся пад уплывам маларухомага франтальнага падзелу — уначы ў Гомельскай вобласці чакаецца завіруха і моцны снег. На асобных участках дарог галалёдзіца.
У сувязі з неспрыяльным надвор’ем МНС рэкамендуе ўстрымацца ад паездак па горадзе на асабістым аўто, а пры адсутнасці гаража паркаваць машыны далей ад дрэваў.
