У цэнтры Магілёва палаў прыватны дом (фота)
Гаспадары дома змаглі вынесці з яго тэлевізар.
У цэнтры Магілёва ўвечары 25 красавіка загарэўся прыватны жылы дом каля ракі Дубравенка.
Да драўлянага будынку цягам 15 хвілін пад'ехалі некалькі пажарных машын і хуткая дапамога. Каб нейтралізаваць полымя, ратавальнікам давялося забрацца на дах і ўвайсці ў дом.
Агонь знішчыў частку даху і ўсю маёмасць. Гаспадарам удалося вынесці з памяшкання тэлевізар.
Прычыны ўзгарання ўдакладняюцца.