У Брэсце збяруць камандзіраў падраздзяленняў сіл спецыяльных аперацый
На базе 38-й асобнай гвардзейскай дэсантна-штурмавой брыгады 12 студзеня пачнецца двухдзённы вучэбны збор.
У Брэсце збяруць камандзіраў падраздзяленняў сіл спецыяльных аперацый. На базе 38-й асобнай гвардзейскай дэсантна-штурмавой брыгады 12 студзеня пачнецца двухдзённы вучэбны збор. Як інфармуе прэс-служба Мінабароны Беларусі, ім будзе кіраваць камандуючы сіламі спецаперацый Узброеных Сіл генерал-маёр Вадзім Дзенісенка.
Мэтамі збору з’яўляецца ўдасканаленне ведаў і развіццё ўменняў камандзіраў і намеснікаў камандзіраў падраздзяленняў спецыяльнага прызначэння. Прадугледжана правядзенне лекцыйных, практычных і паказальных заняткаў.