У Брэсце калядоўшчыкі прыйшлі на курсы “Мова нанова” (фота)
Яны выканалі традыцыйны абрад калядавання на занятках курсаў 27 снежня.
Пасля забаўляльнай праграмы з песнямі і пастаноўкамі артысты прадставілі і адукацыйную частку. Прысутным яны распавялі пра сваіх персанажаў, гісторыю свята, а таксама традыцыі, з якімі беларусы сустракалі і праводзілі Каляды.
Дарэчы, святочныя заняткі сталі самымі наведальнымі на моўных курсах у Брэсце. У мерапрыемстве прынялі ўдзель больш за 60 брэстаўчан.