У Бранскай вобласці Расіі затрымалі беларускае малако "з будучыні" (фота)
На аўтадарозе Бранск-Гомель у пасёлку Чырвоны Камень Бранскай вобласці забаронены ўвоз дзвюх партый гатовай малочнай прадукцыі.
20 тон малочнай сыроваткі ад СТАА "Белсыр" і яшчэ каля 5 тон гатовай малочнай прадукцыі ад ААТ "СК Сож" увозіліся без ветэрынарных сертыфікатаў, піша сайт bryansknovosti.ru.
Да таго ж высветлілася, што ў "СК Сож", калі верыць маркіровачным этыкеткам, навучыліся вырабляць прадукты харчавання з будучыні. У графе "дата вырабу" значылася 2 верасня. І гэта пры тым, што на мяжы прадукцыю спынілі 31 жніўня.
Названыя парушэнні сталі падставай для вяртання прадукцыі ў Беларусь.
Фота — bryansknovosti.ru