У Беларусі затрымалі грамадзяніна Малдовы, праз 2 гадзіны пасля яго дэпартацыі

У Беларусі затрымалі 32-гадовага грамадзяніна Малдовы, праз 2 гадзіны пасля яго дэпартацыі. Як паведамляе прэс-служба Дзяржаўнага памежнага камітэта, замежніка затрымалі 10 сакавіка ў Гомельскім раёне. Падчас праверкі дакументаў высветлілася, што гэта той самы мужчына, якога прымусова адправілі ва Украіну праз пункт пропуску "Новая Гута". Грамадзяніну Малдовы на 5 гадоў быў забаронены ўезд у нашую краіну.

Распачатая крымінальная справа, замежніку пагражае да 5 гадоў пазбаўлення волі.