У Беларусь прыляцелі расійскія бамбардзіроўшчыкі Су-34

30 красавіка ў Беларусь прыляцелі расійскія бамбардзіроўшчыкі Су-34 (пра іх колькасць не паведамляецца). Яны прызямліліся на аэрадром Мачулішчы. Разам з імі на Іл-76 прыляцеў інжынерна-тэхнічны склад. БЕЛТА адзначае, што самалёты з 47-га змяшанага авіяцыйнага палка 105-й змяшанай авіяцыйнай дывізіі 1-га камандавання Ваенна-паветраных сілаў і Супрацьпаветранай абароны Заходняй вайсковай акругі Расіі.

Авіяцыйная тэхніка, якая будзе ўдзельнічаць у парадзе на Дзень Перамогі ў Мінску, збіраецца на аэрадроме Мачулішчы пад Мінскам. У бліжэйшыя дні будуць праведзеныя некалькі трэніровак.

Вядома, што на парадзе традыцыйна спачатку праляцяць верталёты Мі-8 са сцягамі. За імі — верталёты Мі-24 і Мі-8. Пасля ў небе з'явіцца шасцёрка штурмавікоў Су-25. За імі — чатыры вучэбна-баявыя Як-130, якія Беларусь нядаўна атрымала з Расіі (на здымку знізу). Наступнай праляціць шасцёрка знішчальнікаў МіГ-29, а за імі — расійскія бамбардзіроўшчыкі Су-34.


 
Фота: ria.ru

Апошнія навіны

Галоўнае

Выбар рэдакцыі