У Барысаве падчас будаўніцтва абрынулася крама "Еўраопт"
Чатыры рабочыя атрымалі раненні рознай ступені цяжкасці пры абрынанні будаўнічых канструкцыяў.
Як паведамляе interfax.by са спасылкай на ратавальнікаў, абвал канструкцый адбыўся каля 16-й гадзіны ў аўторак. Калі рабочыя залівалі маналітнае перакрыццё, яно часткова абвалілася на плошчы 40 кв.м паміж першым і другім паверхамі крамы.
Чатыры рабочыя атрымалі траўмы рознай ступені цяжкасці і былі шпіталізаваныя. Паводле папярэдніх звестак, тры чалавекі атрымалі ўшыбы, у аднаго з рабочых — пералом косткі левага перадплечча.
Прычыны абвалу будынка высвятляюцца.
Фота МНС і з сацыяльных сетак
