Сіноптыкі: У аўторак у Беларусі захаваецца спёка
29 ліпеня ў нашай краіне чакаецца пераменная воблачнасць.
Прагназуецца надвор'е пераважна без ападкаў, толькі ў паўночна-заходніх раёнах краіны месцамі пройдуць невялікія кароткачасовыя дажджы, прагрымяць навальніцы. Вецер будзе паўднёвы, 3-8 метраў за секунду, пры навальніцах — з парывамі да 14 метраў за секунду, адзначае БЕЛТА.
Тэмпература паветра ўначы складзе +14...+20 градусаў, удзень паветра прагрэецца да 30-33 градусаў.
Такі характар надвор'я адпавядае аранжаваму ўзроўню небяспекі.
Фота — kp.by