У Англіі цягнік сышоў з рэек пасля сутыкнення з каровамі
Ніхто з пасажыраў не пацярпеў. Пра стан кароваў не паведамляецца.
У англійскім графстве Кент два вагоны пасажырскага цягніка сышлі з рэек пасля сутыкнення цягніка са статкам кароваў, перадае BBC.
Чыгуначная кампанія абвясціла, што ніхто з пасажыраў не пацярпеў. Выратавальнікі дапамаглі выбрацца з вагонаў 70 пасажырам. Пра стан кароваў нічога не паведамляецца.
Чыгуначная галіна, на якой адбылося сутыкненне, пэўны час будзе зачыненая.
Фота: modernfarmer.com