Trubetskoy развітаўся з "Ляпісам" кліпам на песню "Завершается игра"

"Прайшоў год з моманту распаду "Ляпісаў" і стварэння нашага калектыву, — каментуе фронтмэн гурта Trubetskoy Павел Булатнікаў. — За гэты год здарылася шмат усяго: і добрага, і дрэннага, і вясёлага, і сумнага. Але галоўнае, да чаго мы прыйшлі — нам больш не патрэбныя мыліцы у выглядзе старых "ляпісаўскіх" хітоў. Мы іх любім як і раней і прыносім свае прабачэнні ўсяму руху Lyapis Crew: магчыма, частка фанатаў спадзявалася, што мы яшчэ доўга будзем спяваць толькі "Евпатория" ды "Ты кинула". На жаль, альбо, хутчэй, на шчасце, не. Гэтым кліпам мы развітваемся з "Ляпісамі", і тым больш сімвалічна, што песню "Завершается игра" напісаў наш стары сябар, удзельнік аднаго з першых складаў "Ляпіса Трубяцкога" Аляксандр Ролаў, а эпічнае (не пабаюся гэтага слова) відэа зрабіў Аляксей Церахаў, аўтар самых знакавых "ляпісаўскіх" кліпаў — ад "Ау" да "Воины света". Глядзіце, узгадвайце… Ну, а ў каманды Trubetskoy хутка выйдзе дэбютны альбом, і пачнецца зусім іншая гісторыя".

Нагадаем, раней паведамлялася, што першы паўнафарматны альбом гурта выйдзе ў кастрычніку і будзе складацца выключна з новых песень, якія раней не выдаваліся. Канцэртныя прэзентацыі гэтага альбома адбудуцца ў Мінску, Маскве, Санкт-Пецярбургу ды Кіеве ў першай палове лістапада.

Прэм’ера кліпа "Завершается игра" адбылася роўна праз год пасля апошняга канцэрта гурта "Ляпіс Трубяцкі". Адначасова з відэаролікам Trubetskoy выдаў на iTunes сінгл пад той жа назвай, у які другім трэкам увайшла песня "Ирочка".

Апошнія навіны

Галоўнае

Выбар рэдакцыі