Топ-5 навінаў дня

Топ-5 навінаў дня

Трактары ці танкі: чаго больш Беларусь прадала ў Судан

17 студзеня Аляксандр Лукашэнка завяршыў свой афіцыйны візіт у Судан. Кіраўнік Беларусі абмеркаваў з уладамі гэтай афрыканскай краіны пастаўкі лекаў, здабычу карысных выкапняў і супрацоўніцтва ў сферы IT.

Аднак вядома, што Беларусь і Судан звязвае яшчэ і шматгадовы гандаль зброяй. За апошнія 20 гадоў, па розных дадзеных, наша краіна прадала Хартуму мінімум 69 танкаў, 27 баявых самалётаў, а яшчэ некалькі сотняў іншай ваеннай зброі.

Топ-5 навінаў дня
Фота: ria.com

У Беларусь з Расіі спрабавалі ўвезці буйную партыю аналага іркуцкага "Баярышніка". Супрацоўнікі фінансавай міліцыі і ДАІ спынілі грузавік, у якім знайшлі 28 тысяч літраў вадкасці, якая ўтрымлівае метанол з перавышэннем дапушчальнай нормы больш чым у 500 разоў.  Эксперты пацвердзілі, што гэтая вадкасць вельмі небяспечная для здароўя.

Еўрарадыё звярнулася ў Следчы камітэт па Віцебскай вобласці з просьбай пракаментаваць сітуацыю з затрыманнем буйной партыі “Баярышніка”, ад якога ў расійскім Іркуцку загінулі 76 чалавек. Аднак апынулася, што ў фуры быў не ён, а шклоамывальнік.

Топ-5 навінаў дня
Фота: БЕЛТА

У Міністэрстве ўнутраных спраў Беларусі раскрылі падрабязнасці будаўніцтва ў нашай краіне цэнтраў размяшчэння мігрантаў. Вядома, што на гэтыя мэты Еўрасаюз выдзяляе 7 млн еўра.

У такіх цэнтрах будуць змяшчаць замежнікаў-незаконных мігрантаў, затрыманых у Беларусі. А вось сірыйскія ці іншыя ўцекачы, якія не патрапілі ў ЕС, у беларускіх цэнтрах утрымлівацца не будуць.

Таксама ведамства інфармуе, што грошы Еўрасаюза прызначаюцца для добраахвотнага вяртання замежнікаў з Беларусі ў дзяржавы, грамадзянамі якіх яны з'яўляюцца.

Топ-5 навінаў дня

Журналісты тэлеканала Белсат знайшлі пад Мінскам загадкавую будоўлю ці то санаторыя, ці то рэзідэнцыі высокай службовай асобы. Дакладна высветліць, што на самой справе хаваецца за высокім плотам з відэакамерамі, у іх так і не атрымалася.

Але беларускі інтэрнэт ужо каторы дзень бурна абмяркоўвае незвычайнае будаўніцтва. Большасць карыстальнікаў перакананая, што гэта чарговая, сямнаццатая па ліку, рэзідэнцыя Аляксандра Лукашэнкі. Адным з галоўных аргументаў гэтай версіі з’яўляецца тое, што будуецца яна з дапамогай афшорнай кампаніі з Кіпра. Еўрарадыё праводзіць сваё ўласнае расследаванне.

Топ-5 навінаў дня
Фота: vesti.ru

Расійскія памежнікі не прапусцілі польскіх дыпламатаў з тэрыторыі Беларусі. Палякі хацелі праехаць па трасе Мінск-Масква праз Смаленскую вобласць. Аднак расіяне адправілі іх назад і рэкамендавалі перасячы мяжу ў суседніх рэгіёнах. Напрыклад, у Бранскай вобласці ці ўвогуле на мяжы Латвіі і Расіі.

Слухаць цалкам:

Апошнія навіны

Галоўнае

Выбар рэдакцыі