Тэлеканал АНТ замест Кісяля ўзначаліў Марат Маркаў

Старшынёй праўлення ЗАТ "Другі нацыянальны тэлеканал" прызначаны Марат Маркаў, інфармуе сайт тэлеканала.

Паведамляецца, што кандыдатуру Маркава прапанаваў кіраўнік Беларусі. Гэтую прапанову падтрымаў сход акцыянераў АНТ. 

Раней Марат Маркаў працаваў на пасадзе намесніка старшыні Белтэлерадыёкампаніі.

Тэлеканалам АНТ з 2002 года кіраваў Рыгор Кісель.