Страшная аўтааварыя пад Мінскам: адзін з кіроўцаў трапіў у рэанімацыю

Страшная аўтааварыя пад Мінскам: адзін з кіроўцаў трапіў у рэанімацыю

Тры чалавекі атрымалі траўмы і былі шпіталізаваныя ў выніку страшнай аўтаварыі, якая адбылася зранку 17 лютага ў Мінскім раёне. Пра гэта агенцтву БЕЛТА распавяла старшы інспектар аддзялення агітацыі і прапаганды УДАІ УУС Мінаблвыканкама Алена Сакалова.

Паведамленне пра ДТЗ даішнікі атрымалі ў 7.30 раніцы. 58-гадовы маладзечанец на аўтамабілі "Опель Астра" на дарозе згубіў увагу і выехаў на сустрэчную паласу. Там яго машына ўлабавую сутыкнулася з "Рэно Дастэрам", за рулём якога быў 68-гадовы мінчук.

Пры аварыі траўмы атрымалі абодва кіроўцы і 55-гадовы пасажыр "Рэно". Усіх іх давялося шпіталізаваць, кіроўцу "Опеля" даставілі ў рэанімацыю Мінскай абласной клінікі.

Праваахоўнікі падкрэсліваюць, што ўсе ўдзельнікі ДТЗ былі прышпіленыя рамянямі бяспекі. Па факце аварыі праводзіцца праверка.

Апошнія навіны

Галоўнае

Выбар рэдакцыі