СМІ: ЗША могуць замарозіць $40 млрд Пуціна ў швейцарскіх банках
Брытанскае выданне The Times мяркуе, што Злучаныя Штаты могуць ударыць па расійскім прэзідэнце персанальнымі санкцыямі.
Як паведамляе выданне, у выпадку ўварвання расійскіх войскаў на ўсход Украіны, рахункі Уладзіміра Пуціна ў Швейцарыі замарозяць. Агулам на рахунках швейцарскіх банкаў расійскі прэзідэнт мае 40 мільярдаў долараў, якія размешчаныя не ад ягонага імя.
Аднак адзначаецца, што прасачыць прыналежнасць гэтых актываў менавіта расійскаму прэзідэнту будзе даволі складана. Назапасіць такую суму Пуцін мог дзякуючы далям у расійскіх энергетычных кампаніях, паведамляюць замежныя інфармагенцтвы.
