The Smashing Pumpkins абяцалі дум-метал, а выдалі поп-фолк (слухаць)
Хутчэй за ўсё, абодва альбомы гурта, абяцаныя ў гэтым годзе, будуць кардынальна рознымі.
The Smashing Pumpkins выпусцілі свежы трэк "Being Beige”. Ён увойдзе ў новы альбом гурта "Monuments to an Elegy". Новая песня гучыць як камерцыйны поп з лёгкім закосам пад фолк-рок, хаця, на мінулым тыдні лідар гурта Білі Корган распавядаў, што гурт піша дум-металічны альбом. У якасці доказу музыка нават выклаў у instagram фота ўзмацняльніка Sunn. Магчыма, Корган такім чынам пажартаваў. А магчыма, два раней анансаваныя альбомы Smashing Pumpkins, “Monuments to an Elegy" і "Day For Night", будуць ну вельмі рознымі.
Лонгплэй “Monuments to an Elegy" выйдзе 9 снежня. Ён стане канцэптуальным паслядоўнікам трылогіі, якая пачалася 44-трэкавым альбомам "Teargarden by Kaleidyscope" і працягнулася дыскам “Oceania”.
Паводле zvuki.ru
Фота: modern-vinyl.com
