Сіноптыкі: У панядзелак будзе да +33, у асобных раёнах — дажджы
У бліжэйшыя суткі, 28 ліпеня, у Беларусі чакаецца вельмі гарачае надвор’е.
Прагназуецца пераменная хмарнасць. У асобных раёнах пройдуць кароткачасовыя дажджы, прагрымяць навальніцы. Вецер будзе паўднёвым, слабым да ўмеркаванага, у часе навальніцаў — парывістым.
Тэмпература паветра ўначы складзе плюс 15-20 градусаў, удзень — ад 30 да 33 градусаў вышэй за нуль.
Такі характар надвор’е адпавядае аранжаваму ўзроўню небяспекі. Сіноптыкі папярэджваюць, што ў спякотнае і сухое надвор’е падвышаецца рызыка пажараў, перадае БЕЛТА са спасылкай на Белгідрамет.
