Сіноптыкі: У нядзелю чакаецца дажджлівае надвор’е
24 жніўня ў Беларусі будзе хмарна, уначы з праясненнямі.
Уначы месцамі пройдуць кароткачасовыя дажджы. Удзень на большай частцы тэрыторыі краіны чакаюцца дажджы, у заходніх і цэнтральных раёнах — працяглыя моцныя дажджы. У асобных раёнах магчымыя навальніцы. Вецер паўднёва-ўсходні ўмеркаваны, удзень парывісты.
Тэмпература паветра ўначы складзе плюс 8-14 градусаў, удзень чакаецца да 15-21 градуса цяпла, на ўсходзе — да плюс 24 градусаў, перадае БЕЛТА са спасылкай на Белгідрамет.
