Савет Рэспублікі датэрмінова спыніў паўнамоцтвы Ганны Шарэйка

Савет Рэспублікі датэрмінова спыніў паўнамоцтвы Ганны Шарэйка

Савет Рэспублікі на пасяджэнні 14 чэрвеня датэрмінова спыніў паўнамоцтвы Ганны Шарэйка, перадае БЕЛТА.

Суд над гендырэктарам Віцебскай бройлернай птушкафабрыкі закончыўся на мінулым тыдні. Ганну Шарэйка прызналі вінаватай у злоўжыванні службовым становішчам і прысудзілі да двух з паловай гадоў пазбаўлення волі. Большую частку гэтага тэрміну яна адсядзела падчас следства, а рэшут ёй скасавалі па амністыі. Акрамя таго, Шарэйка павінна заплаціць штраф у 150 базавых велічыняў і на на пяць гадоў пазбаўленая права займаць пасады, звязаныя з выкананнем арганізацыйна-распарадчых абавязкаў.

Асуджаную Шарэйка выпусцілі на волю ў зале суда.

Падчас следства і суда яна заставалася чальцом Савета Рэспублікі. А пасля прысуду пазбавілася гэтага звання.

Намеснік старшыні Пастаяннай камісіі па заканадаўстве і дзяржаўным будаўніцтве Яўген Карашкоў у каментары БЕЛТА адзначыў, што згодна з законам паўнамоцтвы сенатара датэрмінова спыняюцца, калі абвінаваўчы прысуд Вярхоўнага суда набывае моц.

Апошнія навіны

Галоўнае

Выбар рэдакцыі