В Минске прошла церемония инаугурации Александра Лукашенко
![У Мінску адбылася цырымонія інаўгурацыі Аляксандра Лукашэнкі](/sites/default/files/styles/gallery_main/public/2023-08/luka_inaug_2.jpg.webp?itok=OFsjrRnJ)
13.40 Цырымонія інаўгурацыі скончылася.
13.33 Лукашэнка: “Наша ваенная мэта захаваць свой кавалачак зямлі. Нам не трэба чужога, але і свайго не аддамо. Хто з мячом да нас прыйдзе, той ад мяча і загіне”.
Вайскоўцы, што сабраліся на плошчы, паабяцалі абараняць краіну і ўрачыста пакляўся служыць беларускаму народу і прэзідэнту.
13.20 Лукашэнка выйшаў на плошчу Дзяржаўнага сцяга ў форме галоўнакамандуючага і выступае перад вайскоўцамі: "Мы ніколі нікому не пагражалі і пагражаць не будзем".
13.00 Цырымонія ў Палацы Незалежнасці скончылася. Цяпер Лукашэнка накіроўваецца на плошчу Дзяржаўнага сцяга і Герба, дзе ў якасці галоўнакамандуючага прыме прысягу ваенных.
12.55. Аляксандр Лукашэнка распавёў пра асаблівасці знешняй палітыкі Беларусі, звязанай з яе геаграфічным становішчам.
"Мы мусім быць мудрымі палітыкамі, калі жывем у гэтым катле, каб нас не зварылі і не з'елі. Мы ведаем, што такое Расія, мы ведаем, што для нас Захад і мы будзем кіравацца сваімі інтарэсамі. Захад убачыў у нашай асобе сумленнага партнёра. Мы заўжды казалі, што спробы ізаляваць Беларусь — гэта тупіковы шлях, як і ізаляцыя іншых краін. Не трэба заганяць сабе ў кут. Наша краіна — самы надзейны маршрут, які злучае Еўропу і Азію”.
Кіраўнік Беларусі неаднаразова згадваў сітуацыю ва Украіне ў якасці адмоўнага прыкладу сацыяльна-эканамічных рэформаў, а таксама неабачлівай знешняй палітыкі.
12.50 Аляксандр Лукашэнка выказаўся за правядзенне міралюбівай шматвектарнай знешняй палітыкі, якой Беларусь павінна прытрымлівацца ў бліжэйшыя гады.
"Імкліва развіваюцца адносіны з нашым партнёрам, вялікім Кітаем. Мы развіваем нашы сувязі з Азіяй, Афрыкай, Лацінскай Амерыкай. Мы адкрытыя для сяброўства з ЗША і Еўрапейскім саюзам. Нехта, пачуўшы, што мы вядзем перамовы з ЗША, пачынаюць галасіць: "Лукашэнка некуды разварочваецца". Пабачыўшы нашы адносіны з Расіяй, нехта становіцца на дыбы на Захадзе. Ды не разрывайце нас, не сутыкайце нас з Расіяй, не сутыкайце ў Расіі нас з Захадам. Мы хочам, каб жыццёва важныя інтарэсы беларусаў былі тут”, — сказаў Лукашэнка ў сваёй прамове.
12.40 На цырымоніі інаўгурацыі прысутнічаюць вядомыя спартсмены — алімпійская чэмпіёнка, біятланістка Дар’я Домрачава, а вядомы тэнісіст Максім Мірны.
Прысутнічае таксама сям’я Лукашэнкаў — сыны, нявестка, ўнучкі.
12.28 У сваёй прамове Лукашэнка звяртае асаблівую ўвагу на сацыяльна-эканамічную мадэль Беларусі і паўтарае рытарычныя пытанні: ці патрэбныя нам рэформы?
"Народ прадэманстраваў згуртаванасць. Людзі выказалі адданасць той палітыцы, якую мы праводзім дзясятак гадоў. Гэта палітыка не дасталася нам у спадчыну. Сёння іншыя выклікі, нам, часам, у адзіночку даводзілася фармаваць гэтую палітыку. Мы ішлі сваім шляхам і гэты шлях паказаў правільнасць нашых дзеянняў. Мы пабудавалі шмат жылля, мадэрнізавалі шмат прадпрыемстваў. Так, сапраўды, у народзе назапасіўся вялікі пласт чаканняў. Народу укідваюць розныя ідэі, народ прымушаюць думаць. Але народу трэба генеральная лінія, каб іх нехта вёў. Зашмат сёння гавораць і пішуць, аб структурных реформах. Але ніхто не сказаў, што гэта за рэформы. За гэтыя рэформы хто-ніхто ў свеце гатовы добра заплаціць. Вакол правялі падобныя рэформы, яны пакаштавалі гэтых реформаў. Што дрэнна ў той сістэме, якую мы стварылі? Гэтыя прапановы гучаць з розных кабінетаў. І я задумваюся, што мы рабілі не так?!” — разважае Лукашэнка.
12.18 Пасля прысягі на Канстытуцыі Лукашэнка пачаў выступаць з прамовай.
"Сёння я звяртаюся да вас з асаблівым хваляваннем. Мяне перапаўняе пачуццё годнасці за мільёны грамадзян нашай Беларусі. Наш народ чарговы раз прадэманстраваў усяму свету найвышэйшую палітычную культуру. Нас не раз’ядналі ў мінулым, сапраўдным, упэўнены, гэта не атрымаецца ў будучым. Выбарчая кампанія прайшла свабодна, адкрыта, строга па закону. Я дзякую ўсім тым, хто мяне падтрымаў. Гэта наша агульнанацыянальная перамога, перамога беларускага народу. Гэта была кампанія, назіраючы за якой, мы ўсе ганарыліся сабой. Народ адкрыта паказаў, хто гаспадар у гэтым доме", — сказаў кіраўнік краіны.
![У Мінску адбылася цырымонія інаўгурацыі Аляксандра Лукашэнкі](/sites/default/files/paragraphs/image/lukainaug.jpg)