Вольгу Класкоўскую пакінулі ў шведскай турме яшчэ на два тыдні
Такое рашэнне прыняў пракурор у Стакгольме. Беларуску, якую падазраюць у замаху на забойства мужа, пратрымаюць за кратамі да 29 красавіка.
17 красавіка адбудзецца яшчэ адно паседжанне ў справе Вольгі Класкоўскай, на якім будзе вырашана, ці дазволяць ёй спатканні з іншымі людзьмі. Пакуль яе можа бачыць толькі адвакат, паведамляе Радыё Свабода.
Калі шведскі суд прызнае Вольгу вінаватай, ёй можа пагражаць ад 2 да 12 гадоў турмы.
У той жа час яе старэйшая дачка, 11-гадовая Міраслава Навумовіч, вярнулася з бабуляй у Беларусь. Вольга Класкоўская пра гэта ўжо ведае.
Адвакат Класкоўскай Ханс Брэдбэрг прытрымліваецца пазіцыі, што нязначныя нажавыя раненні Вольга нанесла мужу Гёкаю Безгіну ў працэсе самаабароны. 
На здымку: Гёкай Безгін, муж Вольгі Класкоўскай, з сынам Адэмам.
Фота — svaboda.org, Facebook
