Украінскія і літоўскія арганізацыі беларусаў будуць супрацоўнічаць
29 верасня ў Вільні “Грамадзянскае і палітычнае прадстаўніцтва Беларусі” ў Літве і “Беларускі цэнтр” ва Украіне падпісалі дамову аб супрацоўніцтве.
Дамову падпісалі кіраўнікі арганізацый Алег Мятеліца і Вячаслаў Сіўчык. Паводле падпісантаў пагаднення, такія пляцоўкі, створаныя ў розных краінах, будуць спрыяць кансалідацыі беларускай нацыі у барацьбе з дыктатурай у Беларусі. Аб гэтым паведамляе прэс-служба “Грамадзянскага і палітычнага прадстаўніцтва Беларусі” ў Літве.
Бакі дамовіліся аб правядзенні сумесных акцый у Літве і Украіне. 27 лістапада ў двух краінах пройдзе святкаванне Дня Слуцкага Збройнага Чыну. 19
снежня ў Літве і Украіне згадаюць разгон мірнай акцыі пасля прэзідэнцкіх
выбараў 2010 года.
