Украінцы трымаюць пад матрацамі да 70 мільярдаў долараў
Спецыялісты мяркуюць, што такая вялізная сума можа знаходзіцца па-за банкаўскай сістэмай.
Цяпер у Незалежнай асацыяцыі банкаў Украіны аналізуюць розныя варыянты вяртання даверу насельніцтва да банкаў, каб дзесяткі мільярдаў долараў працавалі на эканоміку. А Мінфін збіраецца прадаць насельніцтву дзяржаўныя аблігацыі на 200 мільёнаў долараў, паведамляе УНІАН.
Нагадаем, што два гады таму тагачасны старшыня Нацбанка Беларусі Пётр Пракаповіч заявіў, што пад матрацамі і ў панчочах у беларусаў ляжаць 11 мільярдаў долараў. А сёння ў дзяржаўным выданні з'явіўся артыкул пра тое, як грыбок псуе долары, якія захоўваюць беларусы.
