У Гданьску праходзіць семінар “Перакладчыкі без межаў”
Сустрэча перакладчыкаў з польскай і беларускай мовы адбываецца з 8 па 15 лістапада.
У семінары бяруць удзел 15 маладых перакладчыкаў — паланістаў і беларусістаў. Мадэратарамі гэтай сустрэчы з’яўляюцца кіраўнікі польскага і беларускага ПЭН-клубаў — Адам Паморскі і Андрэй Хадановіч.
Заняткі і майстар-класы па перакладзе вядуць літаратары і філолагі Лявон Баршчэўскі, Лявон Вольскі, Павал Хюле, Гжэгаж Гаўдэн, Мікола Хаўстовіч, Ганна Чэкановіч ды іншыя.
Семінар арганізаваны Каледжам Усходняй Еўропы у Гданьску пры падтрымцы адміністрацыі гораду і Еўрапейскага цэнтру салідарнасці ў Гданьску.
