Сведку "шпіёнскай справы" зрабілі падазраваным
Гэта актывіст незарэгістраванага наваполацкага "Саюза маладых інтэлектуалаў" Ілля Багданаў.
Сёння яго дапыталі па справе пра "здраду дзяржаве ". Як паведамляе "Салідарнасць", допыт актывіста вёў старшы следчы групы па "шпіёнскай" справе Алег Барысевіч. Допыт доўжыўся 4 гадзіны.
Следчы паведаміў Багданаву, што яго паказанні разыходзяцца са словамі Гайдукова, таму праводзіцца дадатковае расследаванне. Багданава з катэгорыі сведкі перавялі ў падазраваныя, але меру стрымання вырашылі не змяняць.
Нагадаем, што 23-гадовага Гайдукова вінавацяць у здрадзе дзяржаве. 22 снежня яго перавялі з Віцебска ў СІЗА КДБ у Мінск. Маці і адвакатка даведаліся пра гэта толькі 26 снежня.
Фота — gazetaby.com