Руся стане голасам Брэсцкага чыгуначнага вакзала
Апынулася, што такой незвычайнай працай спявачкай займаецца ўжо даўно.
“Звычайна я раблю гэтую працу для аўтобусных вакзалаў, якія знаходзяцца недалёка ад Мінска, — распавядае Руся Еўрарадыё. — Аднойчы мне прапанавалі агучыць маленькі аўтавакзал каля Нарачы. І з гэтага пачалося маё супрацоўніцтва з людзьмі, якія займаюцца “агучкай” цягнікоў, аўтобусаў, раскладу руху і г.д.”.
Да “агучкі”, кажа Руся, трэба рыхтавацца — берагчы сябе, піць шмат вады і рабіць адмысловыя галасавыя практыкаванні. За дзень працы спявачцы давядзецца прачытаць толькі чатырнаццаць старонак адных лічбаў! І гэта без назваў накірункаў, нумарацыі платформ і г.д. Ужо пасля Новага году голас Русі будзе вітаць пасажыраў на беларускай і рускай мовах. Дарэчы, аматарам вандровак і Еўрарадыё Руся перадала “дыктарскае” прывітанне:
