Разгляд скаргі Алеся Бяляцкага прызначаны на 24 студзеня
Касацыю будзе разглядаць Мінскі гарадскі суд.
Нагадаем, што кіраўнік праваабарончага цэнтру “Вясна” Алесь Бяляцкі быў асуджаны на 4,5 гады калоніі з канфіскацыяй маёмасці за нявыплату падаткаў
Праваабаронца ў сваю чарго настойваў, што ўсе атрыманыя на рахункі ў замежных банках грошы траціліся на праваабарончую дзейнасьць.
За кратамі Бяляцкі знаходзіцца з 4 жніўня 2011 году. Зараз яго трымаюць у Жодзінскім следчым ізалятары. Паплечнікам праваабаронцы ўдалося сабраць суму ў 757 мільёнаў рублёў, якую Бяляцкі павінен быў выплаціць на карысць дзяржавы. Яны спадзяюцца, што гэта стане падставай для змякчэння прысуду.