Музыкаў гуртоў “Сьцяна” і “TerraKod“ пазбавілі месца для рэпетыцый
Брэсцкі Палац культуры прафсаюзаў аддаў музычную студыю пад склад.
Нагадаем, што дэбютант беларускага шоў-бізу “Terrakod” 30 чэрвеня ўзяў першае месца ў рэспубліканскім музычным конкурсе “Men’s fest”. Адміністратар “Сьцяны” Зміцер Назараў патлумачыў сітуацыю:
Назараў: "Нейкае швачнае прадпрыемства перабіла нам… Як мне патлумачылі, "швачнікі даюць шмат грошай, там будзе склад, а вы са сваёй студыяй вымятайцеся”. Там яшчэ аўтамабілі прадавалі, у мяне былі непрыемныя моманты, бо каб трапіць у свой падвал, мне трэба было прайсці цераз стаянку аўтамабіляў".
Між тым, "Terrakod" запрошаны ў жніўні на два ўкраінскія рок-фесты — “Захід-2011” і "Бандэрштат". Але напярэдадні канцэртаў музыкі не могуць знайсці студыю для рэпетыцый.
