Моладзь не хоча працаваць на БРСМ за 300 долараў
Мінская арганізацыя БРСМ не можа знайсці дастатковую колькасць моладзі для сваіх будаўнічых атрадаў.
Маладым людзям прапануецца праца за 1,5 мільёна рублёў. Як паведаміў першы сакратар Мінскага гарадскога камітэта Беларускага рэспубліканскага саюза моладзі Юры Чэчукевіч, усяго арганізацыі яшчэ патрэбныя каля 500 рабочых.
Чэчукевіч: "На жаль, мы не можам сёння знайсці гэтых маладых людзей. У цэлым, за летні перыяд мы плануем працаўладкаваць не менш за 6 тысяч маладых людзей, што складзе ў 2 разы больш, чым у папярэднім перыядзе".
