Мінчане пазбавіліся тэлеканалаў “Еўраспорт” і “Еўраспорт-2”
Найбуйнейшы кабельны аператар Мінска МТІС не знайшоў валюты, каб працягнуць кантракт на трансляцыю каналаў.
“Еўраспорт” — самы папулярны еўрапейскі спартыўны канал. На тэрыторыі Беларусі транслявалася карцінка з каментаром расійскай дырэкцыі тэлеканала, паведамляе "Наша Ніва". Алімпійскія гульні, Кубак свету па біятлоне, адборачныя гульні футбольных чэмпіянатаў свету і Еўропы — усё гэта з’яўлялася ў эфіры “Еўраспорта”. Замест яго мінчане ўбачаць канал "Viasat Sport".
