Марыш пра спатканне з лідэрам гурта Open Space Віталём Маціеўскім?
Мары здзяйсняюцца! Прапануй музыку самы цікавы і смелы план сумеснага баўлення часу, які ён зможа сабе дазволіць, і збірайся на спатканне!
Скончыўшы працу над новым альбомам, музыка нарэшце можа дазволіць сабе адпачыць і патусавацца з новымі людзьмі. Калі ты хочаш стаць новай сяброўкай Віталя Маціеўскага - не прапусці свой шанец. Музыка паабяцаў нам, што абавязкова рэалізуе ідэю аўтаркі самай інтрыгуючай і смелай прапановы.
Цяпер мы прапануем табе крыху пафантазіраваць і пакінуць камент з апісаннем таго, што б ты хацела зрабіць разам з музыкам да 18:00 пятніцы, 23 сакавіка.
І, вядома, не забывай, што натхніцца можна 22 сакавіка ў клубе Re:public, дзе гурт Open Space будзе прэзентаваць свой новы альбом "Pressure". Уваход, дарэчы, вольны.
А пакуль чакаеш вынікаў, раім пачытаць свежанькае інтэрв'ю з фронтмэнам Open Space! :)
Імя пераможцы конкурсу назаве сам Віталь у праграме "Музычны Танэль" 23 сакавіка ў 20:30 у жывым эфіры Еўрарадыё.
