Кіроўца Porsche, які збіў школьніка, знаёміцца з матэрыяламі справы
У бліжэйшы час іх перададуць у пракуратуру для накіравання ў суд.
Нагадаем, увечары 13 лістапада 37-гадовы мінчук, дырэктар прыватнага прадпрыемства, на аўтамабілі Porsche Cayenne пад'ехаў да 23-й сталічнай школы, нягледзячы на забараняльныя знакі. Там ён наехаў на 9-гадовага школьніка, які раптоўна выбег на праезжую частку. Хлопчык атрымаў цяжкія траўмы і памёр у машыне хуткай дапамогі.
Была распачатая крымінальная справа. У пачатку снежня, пасля таго, як кіроўцу выставілі абвінавачанне, яго ўзялі пад варту. Мужчыне пагражае да пяці гадоў пазбаўлення волі, паведамляе БелаПАН.
Фота — bymedia.net
