Глыбачане просяць змяніць савецкія назвы вуліц
Жыхары Глыбокага ўжо другі раз за гэты год звярнуліся да мясцовых уладаў з просьбай перайменаваць некаторыя вуліцы горада.
Пад зваротам да ўладаў было сабрана некалькі дзясяткаў подпісаў грамадзян. Збор подпісаў праходзіў па ініцыятыве актывістаў кампаніі “Гавары праўду!” і БХД. Гэта ўжо другі зварот да ўладаў, на першы быў атрыманы адказ, што на гэта няма сродкаў.
Шмат хто з глыбачан з гэтым не згодны, бо на гэта патрэбныя не такія ўжо вялікія сродкі. Цікавы факт, самая доўгая вуліца Глыбокага — Савецкая пачынаецца судом і заканчваецца турмой. Дарэчы, у ёй зараз знаходзіцца лідар Маладога фронту Зміцер Дашкевіч.
Глыбоцкія актывісты спадзяюцца на тое, што ініцыятыва змены савецкіх назваў вуліц будзе падхоплена ў іншых рэгіёнах. Бо толькі разам можна дамагчыся станоўчага вырашэння гэтага пытання.
