Брэсцкі тур конкурсу беларускамоўнай музыкі „Men’s fest” пройдзе ў вёсцы
Правесці адборачны тур у горадзе не пагадзіліся чыноўнікі.
З гэтай прычыны арганізатары конкурсу, брэсцкая прома-суполка “Зала чакання”, мусілі амаль на месяц перанесці адбор, піша газета “Брестский курьер”. З-за такой няпэўнасці і асноўнае спаборніцтва правядуць у Мінску, а не ў Брэсце.
На 3 чэрвеня ў Дом культуры вёскі Чэрні эксперты прапусцілі З Брэсцкай вобласці пяць гуртоў: “Vertigo band”, “TerraKod” (Брэст), “Мясцовыя” (Бяроза), “Анахарсіс” (Столін) і “Red Cat” (Пінск). Пачатак канцэрту а 19-й гадзіне.
