Расійскага тэлевядоўцу Яўгена Кісялёва ледзь не дэпартавалі з Украіны
І гэта нягледзячы на тое, што журналіст вядзе праграму на тэлеканале "Інтэр".
Па словах Кісялёва, якія перадае УНІАН, хаця ён мае від на жыхарства, пастанову аб дэпартацыі вынес "упаўнаважаны орган".
Кісялёў кажа, што прыляцеў ва Украіну ў чацвер. У аэрапорце Барыспаль яго не прапусцілі праз мяжу і выдалі пастанову аб дэпартацыі.
Наступны эфір праграмы Кісялёва павінен адбыцца ў пятніцу.
Раней УНІАН паведамляў, што Авакава прасілі абвясціць персонамі нон-грата 38 расійскіх журналістаў. Пазней ананімная крыніца ў праваахоўных органах паведаміла "Інтэрфаксу", што Яўгена Кісялёва паблыталі з яго цёзкам па прозвішчы — адыёзна вядомым вядоўцам канала Russia Today Дзмітрыем Кісялёвым.
Фота — tsn.ua