Расіянам прапануюць памяняць майкі "I love New York" на "Крым наш"
Актывісты моладзевай арганізацыі "Сетка" ў Яраслаўлі падрыхтавалі каля 300 камплектаў з такой сімволікай.
Як паведамляе ІТАР-ТАСС, абмяняць можна будзе майкі, талстоўкі, бейсболкі, на якіх рэкламуюцца замежныя брэнды, сцягі замежных дзяржаў або ёсць надпісы кшталту "USA California" ці "I love New York".
На думку арганізатараў акцыі, адзенне з выявай дзяржаўнай сімволікі і згадваннем пра далучэнне Крыму да Расіі "цалкам адлюстроўвае дасягненні і дух краіны". Калі акцыя пройдзе паспяхова, арганізатары плануюць паўтарыць яе.
Фота — АР
