Расія спадзяецца ў разы знізіць "шэрыя пастаўкі" з Беларусі

Расія не зможа зусім перакрыць пастаўкі забароненых тавараў з Еўропы праз Беларусь. Але яна спадзяецца ў разы зменшыць гэтыя пастаўкі, кажа міністр эканамічнага развіцця РФ Аляксей Улюкаеў.

"Думаю, што зусім закрыць цяжка, а вось моцна паменшыць магчыма. Мы спадзяемся, што аб'ём шэрага імпарту — нелегальнага, незаконнага будзе скарачацца ў разы", — перадае ТАСС словы расійскага чыноўніка.

Улюкаеў дадаў, што скарачэнне паставак забароненых тавараў праз Беларусь у Расію залежыць ад скаардынаваных дзеянняў мытнікаў абедзвюх дзяржаваў. Апошнім часам, кажа ён, гэтае супрацоўніцтва значна актывізавалася.

Дарэчы, расійскі міністр дадаў, што ў фізічных аб'ёмах гандаль паміж краінамі амаль не змяніўся. Разам з тым ён адзначыў рост расійскіх паставак у беларускім імпарце і рост беларускіх паставак у расійскім імпарце.

Фота: navalny.com

Апошнія навіны

Галоўнае

Выбар рэдакцыі