Пётр Парашэнка даў згоду на завочны суд над Януковічам
Украінскі прэзідэнт падпісаў закон, які дасць магчымасць правесці суд над збеглым экс-кіраўніком дзяржавы Віктарам Януковічам.
Пра гэта ў сваім Твітары напісаў прэс-сакратар прэзідэнта Святаслаў Цаголка, перадае censor.net.ua.
Прэс-служба Парашэнкі ўдакладняе, што гаворка ідзе пра змены ў крымінальнае заканадаўства "па няўхільнасці пакарання за асобныя злачынствы супраць асноваў нацыянальнай бяспекі, грамадскай бяспекі і карупцыйныя злачынствы".
Гэты дакумент дазваляе праводзіць завочныя працэсы супраць падазраваных, а таксама канфіскаваць іх маёмасць.
Фотакалаж — discussio.ru
