Пяць беларускіх банкнотаў узору 1992 года прадалі на аўкцыёне за 2200 долараў
На аўкцыёне Ay.by прайшлі таргі па ўнікальных артэфактах — купюрах узору 1992 году. Пяць банкнотаў былі прададзеныя за рэкордныя 4247 рублёў (2177 долараў ЗША), піша belbonistika.com.
На продаж выстаўляліся не звычайныя купюры, а спецыяльныя банкноты-ўзоры з чырвонай наддрукоўкай "ОБРАЗЕЦ" і нулявым серыйным нумарам. Такія банкноты звычайна захоўваюцца ў банках як своеасаблівыя эталоны. Калі адпаведныя грошы выводзяцца з абарачэння, такую банкнотў-ўзор трэба вярнуць у Нацбанк Беларусі для знішчэння.
Найдаражэй удзельнікі аўкцыёну заплацілі за банкноты 5 і 50 рублёў — 1071 і 1087 рублёў адпаведна (больш за 500 долараў ЗША кожная). За 10-рублёвую і 3-рублёвую купюра 1992 года аддалі па 732,77 рублі. 50-капеечная абышлася пакупніку ў 625 рублёў.