Пры рэзкім тармажэнні аўтобуса магіляўчанка паламала рэбры
Пасля паездкі ў аўтобусе немаладой магіляўчанцы спатрэбілася дапамога лекараў. Як піша mogilev.online са спасылкай на абласную ДАІ, няшчасны інцыдэнт адбыўся ў аўторак, 21 лютага, у вечаровую гадзіну пік.
Каля прыпынку "Стаматалагічная паліклініка" кіроўца аўтобуса рэзка затармазіў. Пры гэтым у салоне ад нечаканасці павалілася 56-гадовая пасажырка. Жанчыну давялося шпіталізаваць з закрытым пераломам рэбраў.
Міліцыя праводзіць разбіральніцтва з нагоды здарэння.
